Livet susar avgarde

Eg har flytta!

2011-05-06T15:16:00.000+02:00

Eg har endra bloggadresse!

Du finn meg no her:

tistelogtue

Kaffi-kos

2011-05-04T19:43:00.000+02:00

Me har vel alle ein

yndlingskopp?

Her er min...

In the name of love

2011-04-30T10:03:00.002+02:00

29th of April 2011

William + Kate = <3

Eg feira den store dagen med å invitere vener til ettermiddagste og scones.

Og sjølvsagt var stova pynta til fest! (Dårleg bilete, men skitt au!)

I celebrated the day in my own special way, inviting friends over for afternoon tea.

The livingroom was decorated with home made wedding bunting... (Sorry about the bad photo!)

Kledd til fest i ballsalen.

Dressed for a night at the ball.

Teen smakte fortreffeleg, og dansekortet vart fullt...

The tea was exellent and I was fully enganged dancing...

Nokre timar seinare var det berre å ta heimvegen fatt. Det er no ein tilgjengeleg prins mindre her i verda!

After some indulging hours it was time to go home. There is now one available Prince less in the world!

Ynskjer det vakre paret

all mogeleg hell og lukke på vegen!

All the best to the lovley couple!

DIY: Eggeskal-kylling med karsehår

2011-04-17T01:55:00.042+02:00

Har du nokre minutt ledig etter sundagsfrukosten, kan du lage enkel og humoristisk påskepynt av eggeskala du fekk til overs etter speilegga...

Pip-pip-pip! Me ventar på å verte hårfine...

Vask dei halve skala og lat dei tørke litt før du limer på nebb, fjør og føt (gjerne med limpistol).
Fukt ein passeleg stor bit bomull, og legg den oppi egget.
Strø omlag ei teskei karsefrø oppi. Hugs å halde bomullen fuktig.

Om ei vekes tid har du nyspira karse til å ha på skjeva.

God påske!

Oh my! I feel bold today!

Make your own little cress-haired chickens:

Clean the half shells and let them dry before glueing on beak, feathers and feet.
Put some moisted cotton into the shell.
Add the cress seeds. Remember to keep the cotton moist.

Enjoy the cress on your sandwich in a weeks time. Happy Easter!

Påskepynt i særklasse

2011-04-13T17:28:00.001+02:00

Manglar du noko å hengje i bjørkekvistane i påska? Her er eit yndig alternativ...

Den slovenske kunstnaren Franc Grom lagar heilt fantastiske kunstverk av egg. Han bruker eit lite elektrisk bor (og mykje tolmod!) når han former mønstra, og dei fleste blondeegga har omlag 2 500 - 3 000 hol.

Heng dei i kvistane - om du tør!

Egget har vore brukt som symbol på nytt liv i lange tider, og å bruke egg på denne måten har røter både i eldre kukturar, og mellom anna i jødiske og kristne religionar.

The Slovenian artisk Franc Grom creates the most wonderful and delicate decorative eggs. Eggs symbolizes the new and growing life and have been used this way for ages in ancient cultures, and in Jewish and Christian religions.

Prosjekt Bad: Stadig nærare

2011-04-11T20:06:00.000+02:00

Travle røyrleggjarar og ein sjuk eletrikar har sett sitt preg på kvardagen min i det siste. Eller det vil seie - har ikkje sett sitt preg på kvardagen min. Eg ventar, ventar og ventar på dei siste småtinga før badet er klart for stæsjing... Heldigvis er dusj og toalett råd å bruke, og det har endeleg kome varme i badegolvet, men lys og servant er enno ikkje montert.

Ein ting har eg i allefall oppdaga det siste halvåret:

Ting tek tid!

Også om ein ikkje "skal gjere alt sjølv".

På handletur i Bergen denne helga fekk eg tak i vindusfolie hjå Carlsen i Dræggen. Innsikta frå naboar er ikkje veldig brysom her ute på landet, men ein og annan turistbuss kan det jo vera greit å skjerme seg mot.

Valet fall på Design 9 frå vindufolie. Passeleg bestemor-aktig her hjå meg, trur eg! Biletet er frå produsenten si nettside.

I'm still waiting for the plumbers and electrician to get do the last little things in the bathroom. In the meanwhile I've found a window foil to prevent people looking in. Nice and granny-ish!

DIY: Bøker frå loppis får nytt liv!

2011-04-06T19:26:00.002+02:00

Hjå rom123 denne veka dukka det opp ein super artikkel. Eg likar veldig godt å kjøpe gamle bøker med fine permar på loppemarknad, men veit ikkje alltid kva eg eigentleg skal gjere med dei når eg kjem heim.

Somme bokryggar tek seg jo fint ut i bokhylla, og mange bøker er jo kjekke å lese, men likevel er det ein del eg ikkje har "fått til" å bruke. Tidlegare har eg skrive om Fretex sitt prosjekt med å lage notatbøker av gamle romanpermar, men rom123 presenterer altså i denne artikkelen ein enno meir praktisk måte å bruke bøkene på. Fantastisk, ikkje sant?

Boka i bokhylla treng ikkje innehalda lange tekstar ein aldri kjem seg gjennom. Kvifor ikkje fylle opp med kreativt verkty i staden?

Bokstabel med "hemmeleg" oppbevaring

Kvifor ikkje gøyme pengane i bokhylla i staden for i madrassen?

Det florerer av loppemarknader i kvar ein krok for tida.

Lukke til med jakta!

York: I mitt hjarte

2011-03-17T18:13:00.005+01:00

Eg ynskjer ofte

eg var i York,

i England.

Særleg på denne tida

av året,

når dei japanske kirsebærtrea

gjer kvardagen lyserosa.

I often wish I was in York, UK. Especially at this time of the year when the Japanese cherry trees are colouring every day pink!

Prosjekt Bad: Gamalt vindauge

2011-03-14T12:07:00.007+01:00

I dei fleste bøker og nettartiklar eg har lest om oppussing av gamle vindauge står det at det er viktig at vindauget ligg stabilt. Aller helst skal det vera sett fast til arbeidsbenken med tvinger eller andre hjelpemiddel. Og det er viktig med god og skarp skrape når ein skal fjerne den gamle malinga.

Jau, det hadde sikkert vore ein fordel. Kanskje eg då hadde vore ferdig for leeeenge sidan?!!

Då eg skrapa vindauga, og fjerna dei gamle glasa, brukte eg frysen nede i kjellaren som arbeidsbord. Tvinger - eh, nei! Då det vart for kaldt å stå der nede flytta eg opp i stova og la vindauget oppå to stolar ståande mot kvarandre. Framleis ustabilt og tvingelaust. Her vart vindauga også grunna og malt.
Og då glasa skulle inn igjen, bretta eg til sides duken på spisebordet og slo meg til der... Væpna med akrylfugemasse, gamle barberblad og lange neglar (eit umisteleg verkty!) er eg no i gong med siste hand på verket... Og so håpar eg det heldt. I allefall ei stund! Og so håpar eg at det vert fint på badet - omtrent slik som hjå mi store inspirasjonskjelde Johanna i Sverige:

Og elles:

Vårsola varmar

som aldri før

og er i gong med å

smelte på

1,8 meter snjo...

Hurra - hurra - hurra!!!

Ha ei fin-fin veke, folkens!

The work on the old window is nearly done. I hope it will fit beautifully in the new bathroom, like in my biggets source of inspiration: Swedish Johanna's bathroom! This have been a true DIY project. Old racerblades and my own finger nails have been important tools in the process!

The sun is warming

as never before

and have started the project

on melting

1,8 metres of snow.

Hooray!

Tre Brør Cafè

2011-03-10T12:19:00.005+01:00

Skal du til

Voss

i næraste framtid, bør du leggje turen innom herlege

Tre Brør Cafè

midt på Vangen (rett ved blomstertorget!

Nydeleg mat

(mykje er lokalt og økologisk produsert!),

knast interiør

og rullerande salsutstilling

av kunst er noko av det du får oppleve her.

Eigen blogg

har dei også - besøk den og få eit inntrykk av den gode stemninga!

Blogglotteri hjå Lobelia

2011-03-06T11:32:00.003+01:00

Kanskje

eg rekk det...?

Og kanskje eg vinn...?

Lobelia har blogglotteri - med frist i dag!

Håpet er lysegrønt!

PhotoScape: Gratis redigering av digitale bilete

2011-03-05T23:29:00.008+01:00

PhotoScape er gøy, superenkelt

og heilt gratis!

Om du ikkje har prøvd det, klikk her:

download photoscape

PhotoScape is great fun and very easy to use. And it's free! I love it!

Prosjekt Bad: Anten - eller?

2011-03-03T17:37:00.008+01:00

Det har vore mange anten - eller-problemstillingar so langt på ferda på reisa mot Prosjekt Bad: Ferdig. Turen er ikkje over enno, men målet er heldigvis nærare enn nokon gong før! No er det litt mindre alvorlege avgjerdsel som skal takast, men like fullt - ein må jo bestemme seg for noko. Og det er ikkje lett!

Anten:

- eller:

Me skal bruke ein gamal spegel kjøpt hjå Patina på Evanger, og eg ville ha ein lampe som passa til stilen samstundes som den ikkje skulle dominere for mykje i rommet.

Med ein hjelsom mann fekk eg etter mykje om og men teke avgjerdsla: Lampen frå IKEA (øvste bilete) vart vinnaren.

Eg er litt skeptisk til elektriske produkt frå IKEA, men enkelte prinsipp må vike når det står om slike viktige ting...

Orsakar noko uprofesjonell fotografering (fotografen bør streng tatt ikkje vera med på bileta har eg haurt), men desse bileta var eigentleg ikkje tenkt lagt ut på verdsveven...

This or that? I wanted a bathroom lamp not too dominant accompanying the old mirror. With a little help from my finacè, the decision was made. The lamp from IKEA is the winner (left). Sorry about the non-pro photoes - they were not ment to be published...

Lukkeleg?

2011-02-23T17:03:00.006+01:00

...kan vera so mangt!

Eit fint ord,

på ein solskinndag

gjer meg lukkeleg.

Ein klem

frå ein god ven

gjer meg lukkeleg.

Og så gjer DR sin superdupre

depressjonskomedie meg lukkeleg.

Prøv du også:

L y k k e

Ni av ti episodar ligg no tilgjengelege på nett.

Filma i herlege København

med eit fantastisk cast!

N y t!

Prosjekt Bad: Gamle spor

2011-02-18T16:43:00.004+01:00

Bak gamle huntonittplater og og baderomspanel dukka det opp ei lita handleliste frå svunne tider:

Stor huntonitt,

glasvatt og

glatt pløgd

vart tydelegvis handla inn då det gamle kammerset vart gjort om til bad ein gong på 50-talet. Sjølv om det meste tek laaang tid når ein driv og vølar på gamle hus, så er det veldig kjekt når slike små funn dukkar opp!

Tømmerveggen kjem til å verta bakvegg i garderobeområdet, og eg lurte på om det kunne vera greit å ha den i same farge som sideveggane. (Som originalt nok er malt i egghvit...) Men det slo eg raskt frå meg og tømmeret er no malt med ein farge som er nesten heilt lik på den grøn-turkise fargen som var der frå før.

Og handlelista har eg malt rundt og ikkje over. Gamle spor må vernast om!

Den gamle gyngestolen

2011-02-11T19:55:00.000+01:00

Sjølv om huset eg bur i er eit gamalt tømmerhus frå 1850, er det diverre ikkje så mange gamle ting igjen her. Nokre sofaer frå 50 - og 60-talet, steintøy og kjekke bileter er her jo, men arveoppgjer og anna har gjort at ein kan telje på ei (eller kanskje to) hand dei verkeleg gamle godsakene som er att. Men ein ting er her, heldigvis:

den gamle gyngestolen

Han er litt skadd i den eine meia så han toler ikkje dagleg bruk, men planen er å få vølt skaden.

God helg!

Prosjekt Bad: Undervegs

2011-01-27T16:05:00.009+01:00

Maaaange og laaaaaaaange månader har gått sidan me byrja på Prosjekt Bad. Desse bileta er tekne for nokre veker sidan, rett etter at panelen var komen på plass. (No er den i tillegg både grunna og malt. Tre strøk!)

På biletet over ser du dusjnisja til høgre, og der den turkise firkanten er, skal det kome eit gamalt småruta vindauge. Litt a la badet til Johanna med bloggen VINTAGE. Det trur eg vert himmelsk fint!!! Krakken står der toalettet kjem - berre eg snart får bestemt meg for kva slags eg vil ha... Oppussing er verkeleg eit kjenslemessig slit for slike ambivalentar som meg. Eg skulle helst ha sett opp alle tenkelege alternativ og prøvd dei ut i ei veke kvar før eg bestemte meg!

Golvet på badet er svarte flisar (10x10), medan vaskeromsgolvet er grått. Eg ser for meg at det støvar enno meir her, og husmora i meg min tykte difor det var lurt å gå for ein litt ljosare golvfarge enn på badet. Smart, esse!

Maaany long days and month have gone since we first started renovating our bathroom. These pictures are taken a few weeks ago, and gives you a few glimpses of the shower area (above) and the laundry room (below). My main inspiration is found at the Swedish blog VINTAGE. One of my absolute favs!

Hekla hjarter

2011-01-20T17:39:00.006+01:00

Noko SOOO nydeleg!

Og slettest ikkje så vanskelege å lage. (Trur eg, då. Eg har ikkje prøvd enno.) Eg fann desse herlegheitene på etsy nett no, og måtte dele dei med dykk med det same! Dersom du har slengt seg på Valentine's-trenden er det jo berre å setje i gong med heklanåla no, so har du eit par dusin vakre hjarter å strø over sengeteppet til den 14. februar...

Begge bileta er frå tyrkiske

violasboutiqe

på Etsy. Klikk på bileta så kjem du dit.

I found some lovley crocheted hearts at etsy today. They seem easy to make (although I haven't tried myself yet). Start now and you'll hav a couple of dusins to spread on the bed cover on the 14th of Feb.

På glid

2011-01-07T15:51:00.006+01:00

Romjula baud på fantastiske dagar - både for avslapping og kos, men også for litt aktivitet. Snjoen kom og la seg som eit bomullsteppe over isen i heimbygda mi, og eg var førstemann utpå! Det var ikkje så lenge sola kikka oppom i skaret, men det var eit saliggjerande gjensyn! Der eg bur til vanleg, kjem ikkje sola over fjellryggen før eit stykke uti februar.

Nytt år - nye draumar

2010-12-30T15:05:00.003+01:00

Biletet er lånt frå weheartit.

Godt år

og mange nye draumar

i vente!

Sjølvlaga juletrepynt

2010-12-21T19:05:00.005+01:00

Å pynte treet med heimelaga pynt er no litt stas, tykkjer eg! Desse englane laga eg då eg studerte keramikk ved Høgskulen i Telemark for nokre år sidan.

Berre eg får invistert i verkstad og utstyr, er planen å lage slike - og mykje anna kjekt - for sal.

Årets tre er enno ikkje kome i hus, men her eit bilete av fjorårets pryd. Eg er oppvaksen med furu som juletre, men i 2009 vart løysinga å sage ned ei "peikete" edelgran som stod i hagen. Enkelt og greit, men i år vil eg ha furulukta i stova!

Det snør - HEILT INN!

2010-12-14T18:45:00.003+01:00

At det snjoar er vel inga overrasking over lengre. Men at det kjem heilt inn?!? Gjennom taket og golvet på loftet, nedover loftstrappa - og HEILT INN - det hadde i allefall ikkje eg rekna med.
I trappa vår inne i gangen låg det i allefall rikeleg. Og kjem den inn, vert den værande. No når gradestokken viser minus 15 ute, så betyr det minus 3-5 inne i gangen i det gamle huset vårt! Brrr! Melisdrysset ved enden av trappa var eit temmeleg forbausande funn! På taket ligg berre lekter og skifer - sutak fins ikkje! Men det skal seiast: Taket er faktisk tett for vatn. Det er berre når det blæs og snjoar samstundes at det kjem heilt inn, og denne gongen hadde altså loftsluka stått ope over natta.

NB! Trappelemmen (gangen i 2. etg) SKAL pussast opp snart.

I woke up one morning finding a thin layer of "icing sugar" in the steps leading up to the attic. We had left the hatch open and the snow had blown in through the roof which is covered only with slabs of stone. No insulating materials. I must say, although I am staring to get used to living in an old house, I got rather surprised!

NB! The hall upstairs is soon to be renovated.

Julestemning i London

2010-12-12T18:52:00.000+01:00

Bilete er lånt frå weheartit

Tenk

å kunne sitje øverst i London Eye

etter å ha vore på julehandel

på Old Spitafields Market

i Portobello

eller Camden

Tenk

å rusle rundt i London

med ein flapjack i neven

sitje i andre etasje på bussen

og berre late storbylivet summe

Slike draumar har ein

når ein bur på landet

Sharing my thoughts and dreams about going Xmas-shopping in London enjoying the city life...

Alle hjarter gler seg

2010-12-07T16:38:00.006+01:00

Her hi helga vart eg både veldig glad og ganske trist samstundes. Naboen over vegen hadde nett felt ei diger hengjebjørk som har stått der i heile min barndom. Treet har stått der og vinka med nakne kvistar om vinteren, og dansa i den grøne finkjolen kvar sommar. No er dansen over og det er rett og slett så eg vert litt våt i augekroken berre av tanken. Men kvistane, dei lever vidare. I beste velgåande!

Kvistar av hengebjørk er eit vidunderleg materiale å lage kransar, hjarter og anna pynt med. Dette hjartet er laga av to buntar tynne, lange kvistar og ein liten meter med ståltråd. Fyrst surra eg saman buntane kvar for seg. Så festa eg saman endane på dei to buntane (den enden som stikk ned bak sløyfa). Deretter forma eg hjartet slik eg ville ha det og festa halen på kvar bunt til endane. Til slutt vedve eg litt att og fram med ståltråden for å få det heile til å hengje betre saman. Knyt på ei sløyfe om du vil!

Enkel og fin julepynt, tykkjer no eg!

To make this lovley heart all you need is some brich twigs and a thin metal string. The twigs are taken from a silver birch - the one with the long, "sloppy" twigs.

Tie a ribbon to its belly and you have a simple and decorative wreath for Christmas and other occasions!

Når piffen manglar...

2010-12-03T17:02:00.005+01:00

Lånt hjå Patina. Klikk på bilete så kjem du dit dei heldt til!

...må ein rett og slett hente litt piff hjå andre!

Det er grualeg lenge sidan sist innlegg, ser eg... Eg har fleire gongar vore på tanken om å skrive ingkvart kjekt, men hovudet har vore meir oppteke med oppussing av bad og restaurering av gamle vindauger. Og så har det også i her dalen vore eit svare strev berre det å halde varmen den siste tida!

Eg har difor teke meg den friheit å låne nokre bilete frå Patina-damene på Evanger utan å spørje fyrst. (Dette er eit reint reklameinnlegg i deira favør, så eg vonar det går greit!)

I morgon, laurdag 04.desember, er det julemarknad og kunstutstilling på Evanger. Den vesle gata der er nesten som eit postkort i seg sjølv - heilt i tråd med stemninga på verkstaden til skomaker Andersen og elles i Skomakargata.

Eg har tenkt å ta turen og kanskje finne dei siste julegåvene. Og så smake litt på Patinabaksten, sjølvsagt. Den kan få både julestemninga og piffen på plass hjå dei fleste!!!

Tomorrow the annual Christmas Market will be held at Evanger. I'll be off to get the last Christmas presents - and a piece of Patina's lovley cakes.

Kul kran på badet

2010-11-11T19:59:00.006+01:00

Snart... Kjem denne kule krana sendane i posten!

Eg har funne ei alle tiders britisk nettside som sel kjøkken og baderomsutstyr: http://www.victorianplumbing.co.uk/. Haka er berre at dei ikkje sender utanfor Storbritannia. Då er det kjekt å ha ei kjekk venninne som bur der, og som kan stå som mottakar av pakka. OG i tillegg tek bryet med å sende pakka vidare til meg i Noreg! Enkelte folk er berre fantastiske!

Krana skal brukast på badet, og kjem til å passe perfekt til dusjsettet eg kjøpte på den same nettsida tidlegare i haust. Bilete av ferdig bad kjem so snart det er ferdig!

Quite soon this will tap be mine!

It's found at the fabolous and cheap (compared to Norwegian prizes) website www.victorianplumbing.co.uk. They do not ship outside the UK, but a friend of mine has volunteered to send it to me and I am very happy!

It is going to be used in our new bathroom, together with the traditional shower rail also purchased at VictorianPlumbing. I promise to post pictures as soon as it is finished!

Notatbok frå Fretex

2010-11-08T17:27:00.007+01:00

Biletet er frå bokbloggen: Klikk på biletet, så kjem du dit.

På bytur i helga var eg innom Norli for å myse litt etter julegåver.
Og der, midt bland 7-sans og kalendarar,
låg tidenes skjønnaste notatblokker.

Fretex har byrja lage notatbøker av gamle romanar;
sjølve bokinnhaldet i gamel bøker er fjerna
og det er sett inn nytt innhald i form av ei lita ringblokk.

Resultatet vert ei knallkul

og heilt personleg "ny" notatbok.

Alleslags bøker kan brukast. Både dei klassiske, vakre bøkene
med brun rygg og mønstra innsider,
og illustrerte bøker som Frøken Detektuv og Bobsey-barna.
Ganske artig er det jo dersom ein finn ei bok med tittel som
høver til den som skal eige boka! (Til dømes kan jo tante Ingeborg
på notatbok med tittelen Arsenikk og gamle kniplingar!)

Fantastisk idè som ikkje skulle vera heilt umogeleg å få til sjølv
dersom du er innehavar av litt middels avansert scrapbooking-utstyr.

Men på den andre sida
- å støtte Fretex ved å kjøpe ei bok eller to,
er i grunnen ein god julegjerning!

Fabolous redesign!
Cute note pads made from old books.
The pages are removed and a new note pad is fitted inside.
If you're lucky, you'll find your favourite title amongst.
How cute isn't that?
The makers of the books are the Norwegian Salvation Army.
Buy a book and support their work!

Koselege korssting frå Danmark

2010-11-01T21:27:00.005+01:00

Er ikkje denne puta søt?

Det kjem ikkje veldig godt fram på biletet, men denne puta er altså laga ved å sy kjempekorssting av tynne remser av bomullsstoff. Ein super måte å få brukt opp restestoff på.

Og startar du no, har du ei kjempekoseleg julegåve

til ei venninne, mor eller søster!

(Eg hadde i allefall vorte overlukkeleg for å få ei slik mjuk pakke under treet. Og det hadde nok far også, for den del...)

Oppskrift og framgangsmåte ligg tilgjengeleg hjå det danske magasinet Hendes Verden. Klikk på biletet, så kjem du direkte til rett side.

Torsdagspannekaker

2010-10-28T16:44:00.001+02:00

Pannekaker

av røre

laga av økologiske egg

vispa saman

med ein gamal visp

oppi

ein Margrete-bolle

på ein torsdag,

det er,

i allefall for meg,

ekte lukke.

Om frosne tær og ting som tek tid

2010-10-25T18:45:00.010+02:00

Biletet er frå weheartit

Og so vart det kaldt

Akkurat no når me pussar opp badet

Og me må gå ned i kjellaren for å gå på badet

På kjellarsbadet som vart laga på 50-talet ein gong

Og som det ikkje er innvendig trapp til

Så me lyt altså ut, ned trappa og inn i kjellaren

For å finne eit spartansk bad med dusj og do

Og ein liten dusjkrok

Og ein vask med to kraner

Der den varme krana må skruast opp og opp og opp

Fordi trykket svinn hen etter 5 sekund

Uansett

Og der den kalde krana driv og drypp

Heile tida

Slik at det vert stygge merker i vasken

Som må skrubbast vekk kvar fjerde dag

Og fordi det ikkje er varme i golvet der nede på kjellarsbadet

Kjem ein alltid opp igjen frå endt visitt

Med isfrosne tåtillar

Silence please! Det er blogglotteri hjå Avdelingen!

2010-10-20T19:02:00.005+02:00

Likar du idèen om ein (i allefall nesten)

musestille støvsugar

som er fin både i farge og form,

og attpå til har fjernkontroll på handtaket

slik at du slepp å bøye deg for å slå den av og på?

Den snasne bloggen Avdelingen har

blogglotteri på modellen

Ultra Silencer frå Elektrolux.

Snakk om flott premie!

Haust

2010-10-09T11:30:00.003+02:00

Hausten er her, og det er endeleg også haustferien!

Og utruleg nok vermeldinga framover er svært lovande.

Om du skal plukke poteter, slappe av

eller om du er av dei som diverre ikkje har ferie:

-PLUKK EIN BLOM OG NYT FINVERET!

Sjølv skal eg "heim" til York, England.

Eg kryssar fingane for suksessfull shopping

og kanskje eit loppefunn eller to.

Å lukke!

Hjerte - smerte

2010-09-29T20:17:00.003+02:00

Om du som meg tykkjer hausten er ei smerteleg årstid,

litt for melankolsk, våt og kald,

så kanskje du også kan finne glede i å lage ein liten hjertekrans av rognebær.

Fin som ein liten velkomst ved inngangen,

på døra, eller kvifor ikkje

- spar den til juletreet!

Det einaste du treng er litt streng og ein neve med bær.

Når du har tredd bæra på strengen,

former du kransen som du ynskjer.

Ein liten forelskelse...

2010-09-12T20:47:00.005+02:00

Fins det noko vakrare vedomn enn dette?

Eg tvilar.

Denne omnen var avbilda i siste nummer av Rom 123,

og eg fall pladask!

Eg som nett hadde bestemt meg for å invistere i

klassikaren Jøtul 118.

Åkk òg!

Inga avgjerdsle er teken, men det kan nok hende dette vert ein av dei evigvarande avstandsforelskelsane.

Som all kjærleik har også denne sin pris,

nærare bestemt 26 000,- svenske kroner.
Men sukk, so skjønn, so skjønn!

Have you ever come across a more beautiful wood burning stove?

I was just ready to buy a new Jøtul 118 when I found this in a magazine.

But like any true love this also has its price,

26 000,- Swedish kroner.

Gåver frå AnnaJohanna

2010-08-31T19:43:00.005+02:00

Damene bak

nettbuttikken AnnaJohanna - ting å bli glad i

har lagt ut konkurranse på bloggen sin:

Vel tre ting i nettbutikken

og legg igjen ein kommentar under blogginnlegget.

Enklare spelereglar skal ein leite lenge etter...

Her er mi ynskjeliste:

Vintage London: Postkort i royal metalleske frå Mayol

Matboksar i stativ frå Rice

Bollesett i glade fargar frå Rice

August

2010-08-29T22:03:00.003+02:00

August

er det

mjukaste

mjuke eg kjenner,

denne skjelvande streng mellom

sommar

haust

- Einar Skjæråsen -

(Fritt omsett til nynorsk)

Snasne sko frå s.Oliver!

2010-08-20T20:15:00.003+02:00

Tidlegare i sommar var eg ein tur innom skjønne Langesund.

Der vart det storhandel i ein av dei kjekke butikkane,

og eit par sko frå s.Oliver var ei del av fangsten.

Skoa var både gode og gå i OG ganske so snasne,

men dei var bittelitt trange over vrista.

I slike situasjonar kan ei behandling med varmt vatn og tjukkelabbe-gåing hjelpe.

Gjerne kombinert med etterfølgjande utpressing (...) ved hjelp av to koppar frå Rice.

Eg har vore både på byen og på dans på lokalet med desse skoa

og no har har dei kome opp på Topp-3-yndlingssko-lista!

Tantetid

2010-08-04T21:04:00.006+02:00

Eg er så heldig å ha tre knase tanteborn.

Tidlegare i sommar forlet me vestlandet i kvar våre bilar, og vende nasa mot Kragerø - slik me gjer kvar sommar. Det er alltid kjekt å sjå att familien der borte (som me stort sett ikkje har helsa på på eit heilt år!), og ikkje minst å nyte det stabile sommarveret!

Og så er det kjekt å fare på små utflukter saman. Særleg ei av jentene får innimellom behov for litt "tantetid" - og det tykkjer sjølvsagt eg er heilt i orden!

Bileta ovanfor er frå ein tur me hadde til Kragerø Berg Museum. Årets utstillingar viste måleri av Munch og historiske klede vist i kronologisk rekkjefølgje. Nedanfor musèet er det eit flott badeområde - med badehus og trapp, og det heile. Diverre hadde ikkje me med oss badeklede, men koseleg var det likevel. Inne i badehuset har mange rissa inn namn og årstal, og eg og tantejenta kunne jo ikkje vera dårlegare enn dei andre...

I'm lucky to be an aunt for three lovley children.

Earlier this summer we went, as usual, to see our relatives living in the south-eastern part of Norway. It's always nice to meet them again, and not to mention being able to enjoy the stabile summer weather in the east.

One of my nieces some times (and quite regularly) gets a need for

some "auntie-time". Which of course is perfectly ok for me!

The photos above are from a trip we had to Kragerø Berg Museum. The seasonal exhibitions this year were paintings by Munch and historic costumes displayed chronologically. If you get too warm from the displays it is possible to take a short walk down to the fjord and go swimming! This was a spontanious outing and my niese and I did not think about bringing our swim suits! Instead we had fun carving our initials thinking like hundreds of others had done before us...

Boka om Little Bee

2010-08-04T20:15:00.005+02:00

“Most days I wish I was a British pound coin instead of an African girl.”

Eg har nyleg lest ei nydeleg bok som eg verkeleg kan anbefale. US-versjonen av boka (avbilda) heiter Little Bee, medan UK-versjonen som eg las, vert kalla

The Other Hand.

Uansett kva versjon du velger er historia som sakte men sikkert brettar seg ut, heilt fantastisk! Forteljinga er både utruleg, rørande og morosam, og vert fortald på ein særskild og uvanleg måte.

Fyrste kapittel kan lesast på nettsida til forfattaren Chris Cleave. Der kan du også sjå eit videoklipp der Cleave forteljer kort kva boka handlar om.

Eg las boka på engelsk og veit eigentleg ikkje om den er omsett til (ny)norsk, men eg kjøpte boka på Voss og reknar med den skal vera grei å få fat i hjå både små og store bokhandlarar. Eventuelt kan du jo bestelle den på www.capris.no - rask og rimeleg nettbokhandel som sender fraktfritt om du kjøper for meir enn kr 199,-!

I recently read the most lovley novel called The Other Hand (UK-version). Visit the author Chris Cleave's website and read the first chapter. This is a unbelievable, moving and higly amusing story, told in an extraordinary voice! Highly recommended!

Blogglotteri hjå eingulknapp

2010-07-26T23:41:00.003+02:00

Eg laut visst "back to blogging" og bryte bloggepausa for å hive meg med på

ein gul knapp

sitt

blogglotteri.

Guro skriv at ho "har laga ein premie med litt smågodt for dei syinteresserte".

Enkelte sjansar kan ein berre ikkje late gå frå seg her i livet!

Ein pause...

2010-07-26T11:46:00.002+02:00

Eg har hatt - og kjem til å ha - ein pause frå blogging og pc.

Sommaren er kort og MÅ nytast for alt den er verdt!

Kos deg med dette fantastiske biletet so lenge!

Og har du tid, råd og lyst,

bestell deg eit par kule kloggar frå

swedishhasbeens

Nyt livet på Evanger!

2010-07-09T10:43:00.000+02:00

Dei flinke og driftige damene på

bruktbutikken Patina på Evanger

(15 minutt frå Voss mot Bergen),

har no også opna kafè! Delar av butikklokalet i fyrste etasje er gjort om, og kafègjestane kan nyte god mat og drikke i eit landleg, men urbant, miljø. Bord og stolar er gamle og slitte- men malt i glade fargar gjev dei sjel og atmosfære til lokalet. Eg elskar slike stader! Dei gjev meg assosiasjonar til sommar og sol, late dagar og det glade gateliv i København.

Reis til Evanger og nyt livet!

Kunst og handverk i Risør

2010-06-29T20:42:00.008+02:00

I år vert Villvin-marknaden i Risør

arrangert 8-10. juli.

Eg har planar om å stikke av frå siste del av slåtten her på garden og få med meg den store hendinga. Ei kusine av meg har vist så utruleg mange fine ting ho har kjøpt på denne marknaden, og no klarer eg berre ikkje halde meg vekke lenger...

Pilfletting er eit godt, gamalt handverk og eg har veldig lyst på ei korg til å ha spøtet i. (Hihi - og eg som ikkje strikkar i det heile teke...) Berre det å vandre rundt i vakre Risør og sjå kunst og handverk i all slags fargar, former og materialer verkar som

A Dream Come True.
Glade fjes og blaute konsonantar er heller inga ulempe!

Stearinljos med pynt

2010-06-18T20:07:00.002+02:00

Veldig, veldig enkelt å lage - og veldig, veldig koseleg!

1 stk stearinljos

1 stk etikketmaskin frå Dymo

og nokre gode ord

er alt som skal til!

Mjølk fjernar flekkar!

2010-06-10T21:22:00.004+02:00

Gløym flekkfjernarar med slemme kjemikaliar!

Dersom du får bærflekkar på kleda er faktisk mjølk eit effektivt flekkfjerningsmiddel.

Eg var på besøk hjå tanteungane mine her ein dag. Då 10-åringen trong hjelp til å få den heimelaga saftisen opp av forma, endte det med at eg fekk blåbærflekkar over (nesten) heile meg! På dokumetarprogrammet Tilbake til viktoriatiden på NRK såg eg for ei tid tilbake at Ruth fjerna bærflekkar med mjølk - og dette måtte sjølvsagt prøvast ut. Eg la derfor gensaren min oppi ei skål med mjølk over natta, og utruleg nok: Neste morgon var flekkane forsvunne som dogg for sola! Og det heilt naturleg!

Vøling på storelemmen

2010-06-08T21:28:00.006+02:00

Då er endeleg storelemmen tømt for skrot og skrømt (...) og står no klar for oppvøling. For ikkje-vestlandske lesarar kan eg opplyse om at ein lem er det same som eit rom andre etasje. I huset vårt har me tråppalemmen, vetlelemmen og storelemmen - som tilsvarer "rommet som trappa går opp til i andre etasje", "det vesle rommet i andre etasje" og "det store rommet i andre etasje". Storelemmen er eit ganske stort rom, omlag 20 kvadratmeter, og planen er at det skal verte master bedroom med bad vegg i vegg og utgang til balkong. No er det slik at verken bad eller balkong er på plass, så me snakkar litt fram i tid før alt er ferdig. Enn so lenge skal i allefall storelemmen få ei real oppvøling! Når huntonittplatene forsvinn vert tømmerveggane synlege. Diverre har det vore vasslekkasje på to ulike plassar: Der vindauget no er og i det eine hjørnet inne i rommet. Men dersom me byter ut vindauget med balkongdør, og set opp eit høvande skap borti kroken, vert skadane skjult og ute av verda! Tji-hi!

Late dagar

2010-06-07T18:01:00.004+02:00

Sola har varma frosne vestlendingar i fleire dagar no. Hagebenken eg fekk til jul (kreative foreldre!) for nokre år sidan er komen ut i hagen, og å sitje der å kjenne telen gå ut or kroppen denne helga var berre aldeles skjønt!

På late dagar kan det vera kjekt å finne fram lektyre frå ei svunnen tid...

Eg las ikkje akkurat ustanseleg frå perm til perm, men litt artig var det likevel å kikke i Frøken Detektiv og den kinesiske gåten. Den stod å finne i ei bokhylle her i gamlahuset - enno ein av dei litt artige små skattane som av og til dukkar opp. Det var veldig koseleg å sitje på hagebenken med pledd over knea og lese om Nancy og venninnene hennar (før dei fekk mobiltelefon og ipod).

Tra-lallalalalalala....

2010-06-04T21:26:00.005+02:00

Litt dyr, men sooo nydeleg!

Denne sykkelkorga har eg drøymt om i eit par år allereie. Den er å få kjøpt hjå designhouse stockholm (kanskje andre stader også), og eg har berre såååå lyst på den!

Når eg ser denne korga har eg lyst å ta på meg den grøne lollopardkjolen min, dei raude blondekloggane mine, setje opp håret og trakke avgarde med mjuk sommarluft svinsande kring leggane, og så stoppe på den gode markjordbærstaden borte i svingen og ta ein pause for å plukke jordbær på strå

- og berre nyte sommaren i fulle drag!

Nostalgi i krokane

2010-05-25T21:39:00.008+02:00

Sjølv om oppussing og oppdatering av huset går noko seint i desse dagar, prøver eg likevel å omgje meg med trivelege ting. (Med verdas mest upraktiske kjøkkenløysing og slitent golvbelegg frå 70-talet i heile huset er det diverre begrensa kor koseleg det vert, men ein må jo prøve...) Oppå kjøleskåpet (også slitent og frå 70-talet!) plasserer eg tidvis nokre av skattane mine.

Akkurat no er eg i det nostalgiske hjørnet og bunadsjentene på askjetten frå Figgjo, den 50-tals kakeboksen og dropsboksen frå Erle Drops har fått kome fram i ljoset.

Eg trur dei likar seg der!

Snart...

2010-05-23T13:38:00.005+02:00

... kan sommaren nytast i hagen.

Då skal eg kose meg med ei kjekk bok

og ei skål med nesten tina bjørnebær med vaniljekesam på.

Mmmm - det er deilig, det!

Me må berre

planere plenen utanfor huset fyrst,

og så gras,

og jage sauene til fjells,

og få slåtten overstått,

og male huset (- igjen!),

og...,

og...

Ein Gul Knapp har blogglotteri!

2010-05-13T11:34:00.004+02:00

Ein Gul Knapp feirer 20. 000 besøkande,

og har laga denne glade puta som kan verte di (eller mi!).

Samstundes lanserast det fornorska omgrepet for

give away:

blogglotteri!

Fantastisk, eller kva?

Frå blanke messingen til lilla lekkerbisken

2010-05-11T19:32:00.001+02:00

Forandring fryder!

Nedanfor er før-bilete av lampen

Endeleg - to veker på etterskot kjem bileta av den gamle messinglampen si nye drakt. Den vart då ikkje så verst? Skjermen fann eg på loppermarknad på Sjold. Ein annan lampe, også funne på loppis, vart også lakka. Denne er førebels skjermlaus og må vente litt med å vise seg fram.

Framgangsmåte:

Eg pussa lampane med fint sandpapir (120), vaska dei og maskerte leidningen. Deretter lakka eg over med spray. Trur den heiter Quicklakk. Etter eit døgns tørking kan herlegheita takast i bruk. Men merk at det kan vera naudsynt å spraye fleire gongar for å få det til å dekkje heilt.

Slik såg lampen ut då eg fann den nederst, innerst, bakerst i eit skap.

Eit par spraystrøk var alt som skulle til!

Loppefunn

2010-04-30T17:31:00.000+02:00

Sist helg hadde eg ein herleg tur til min kjære og etterlengta "heimby", Bergen. *hjartesukk* Den bergenske jovialitet og charme er verkeleg saknaleg etter ei viss tids fråver!

Eg fekk med meg heile TRE loppemarknader på EIN dag, og nokre små skattar vart sjølvsagt med heim. Nokre av dei må berabeidast litt, medan andre er klare for manesjen med det same. Her er noko av fangsten:

Ei kulerame er ein fargeglad ting som er kjekk å ha!

Ei litt bestemoraktig blomepotte vart sett rett i vinduskarmen.

Fata frå min yndlingssteintyprodusent, Figgjo, skal verte fine delar i eit etasjefat. Det trur eg også dei små drammeglasa kjem til å ende opp som!

Og endeleg fekk eg tak i gafflar med laaange tinnar! Desse skal få selskap av nokre glaskuler og ende opp som ein uro i gangen. Den skal henge slik at når nokon kjem på besøk, klingar det i den. Pling - pling - pling!

Føl med så får du sjå resultatet.

No er forøvring den lampa i tidlegare innlegg snart ferdig. Resultat kjem etter helga. No reiser eg på helgetur og legg pc og blogg på hylla for nokre dagar.

So long,

og god helg!

Give away hjå AnnaJohanna

2010-04-26T19:28:00.000+02:00

Eg kom nett over ein skjønn blogg som har give away på ei valfri kaffi- eller tekanne frå Rice. Eg har leita etter slik ei kanne i lengre tid og kom tilfeldigvis over bloggen til systrene Anna og Johanna.

O' lukke for ein skjønn blogg!

Dersom eg ikkje vert den heldige vinnar, skal eg kjøpe meg ei kanne i nettbutikken deira. Og så kan det jo hende ein del andre ting føl med i bestillinga samstundes.Tji-hi!

O' lukke, kor mykje fint dei har i butikken sin!

Vårfunn

2010-04-22T16:16:00.000+02:00

Innimellom travle dagar på høgskulen på Notodden i fjor, tok eg eit par turar på besøk til morsslekta mi i Kragerø. Der kamperte eg på familiehytta - eit bittelite krypinn med den spesielle hyttelukta, alltid litt fuktige sengeklede den fyrste natta og, sjølvsagt, utedo. Det er merkeleg nok sjeldan å finne musespor inne i hytta, men på utedoen hadde det tydelegvis vore

eit aldri so lite teselskap.

Lopper i blodet?

2010-04-09T19:12:00.000+02:00

Bilete over er frå Notting Hill i London der det er marknader året rundt. Sukk...

Eg har kjent det ei lita stund no.

Det plar verta slik eit stykke uti mars når snøen fer.

Blodet pumpar litt fortare og det kriblar i fingrane.

Loppene

er på veg!

Forbruk møter gjenbruk

og folk tør seg ut om døra

og møter folk dei ikkje har sett på ein heil vinter.

Det vert handel og prat om mykje moro når loppemarknadene endeleg opnar dørene att!

Som bebuar i eit gamalt hus eg enno ikkje har saumfart frå loft til kjellar, er eg så heldig å enno finne vekkgøymde og gløymde skattar.

Denne lampefoten dukka opp i sist veke og er no i ferd med å kome fram i og med ljoset igjen! Eg har planar om å lage eit par av den og den skjønne lampettskjermen som står ved sida av.

Føl med så får du sjå forvandlinga!

Men enn so lenge: RIKTIG GOD HELG!

Slik gjer me det på landet

2010-04-09T01:52:00.000+02:00

For eit månader sidan brukte svigers heile helga på å lage "heimakorv". Dette er vestlandsk tradisjonsmat på sitt beste - nesten på høgde med smalahåve.

I utgangspunktet må ein korv trekkje bortimot ein time før servering, men for å spare tid på travle dagar prøver me no å førehandstrekkje korven slik at den vert omlag som kjøpekorv å tilberede. Berre ein hugsar å ta den ut av frysen om morgonen (!!!) , skal den herlegheita vera klar etter 15 minutt under lok. Med pote' og kålrabe'stappa attåt er dette suuupergod bondekost!

Gul ynde

2010-03-29T23:19:00.000+02:00

Siste veka har eg vore på tur til England med undgomskule-elevane på skulen eg arbeider på, og dagane har vore fyllt til randen av all slags artige aktivitetar, god mat og mengder av latter. Det har vore ein fantasktisk flott tur med ein gjeng flotte ungdommar!

Og dersom nokon skulle vera reiseslystne: York er verkeleg å anbefale på denne tida av året! Veret er stort sett bra (langt meir vårleg enn på heimlege trakter), dei fleste overnattingsstader gjev off peak season-rabattar og det er ikkje kø på attraksjonane. Men viktigast av alt: Påskeliljene står i kø i kvar ein skrent for å vise kor vakre dei er.

GOD PÅSKE!

"Heim" til herlege York!

2010-03-20T10:51:00.000+01:00

Home, sweet home!

Av herlege små byar her i verda, som eg kjem til å reise attende, attende og attende til, er York i North Yorkshire, England, sikra ein plass på topp-tre lista mi. Det at eg har budd og studert der i eit halvt år og verkeleg har opplevd kulturen, og menneska som skaper den, er utvileleg med på å gjere at denne vesle byen føles genuint som a second home.

Eg gler meg stort til å vandre rundt i dei trange gatene; ta ein kikk innom skobutikken i Gillygate, den skjønne leikebutikken i Little Swinegate - og sjølvsagt ta ein runde på stampuben i Goodramgate, The Habit!
Sjølv på gråversdagar er York vakker. Den romerske bymuren ligg som alltid beskyttande rundt bykjerna og tårna på the Minster like majestetisk, uansett ver.
Og ikkje minst - ein tur innom York St. John University må det berre bli. Med eigne skulegartnarar som vedlikeheldt nirklande stiar med lavendel i kanten, bugnande blomebed og magnoliabuskar, er det kanskje ikkje så rart at ein kan trivast som student i York...

Håpar forresten der ligg eit stykke rykande fersk Chocolate Fudge Cake som ligg og ventar på meg i kantina... Mmmm!

Kveldsstemning

2010-03-16T23:16:00.000+01:00

Ja, slik går no dagan medan me ventar på våren...

Kvar dag traskar bonden i floren.

Og kvar dag vil katten vera med.

Det er nemlig mykje mus der borte i floren.

Problemet er berre at snjoen er så spøkje kaldt for små puselankar!

Men pusen veit råd.

Kva er vel betre enn å hoppe opp på høge oksler,

og få "haik" nesten to meter over det kalde teppet på bakken?

Grønt er skjønt!

2010-03-05T18:59:00.000+01:00

Dersom du er er interessert i å finne "grøne løysingar" til bruk i kvardagen, er nettsida gronnhverdag.no er verdt ein titt!

Her finn du nyttige miljøtips, testresultat og lenker til andre nettsider som tek miljø på alvor. Eg har brukt sida til å finne ut om helse- og miljøbelastande kosmetikk, miljøvenleg maling og kvar eg kan finne loppemarknader. Grønnhverdag har også ei eiga Økoshop . I denne nettbutikken finn du forbruksvarer og hjelpemiddel som er anten økologisk eller fair trade-produsert - eller begge delar.

Ha ei retteleg grøn helg, alle saman!

Porselen i slekt med geriljabrodering?

2010-03-02T05:23:00.000+01:00

hver dag er en fest og jeg er et jævla smykke

Dette er skåler eg laga i fordjupingsperioden då eg studerte keramikk på Notodden for eit år sidan. Då eg såg dette innslaget på NRK1 for ei tid tilbake, måtte eg dra litt på smilebandet. Eg trur kanskje skålene mine hadde trivest godt i ei stove saman med ei pute med Heim jævla heim, eller eit bilete som proklamerer Lukkeleg for faen.

Av ein eller anna grunn skreiv eg på bokmål på skålene mine - eg veit ikkje kvifor, men likar det ikkje. Neste gong kjem påskrifta på nynorsk. EG LOVAR!

Dream your dreams a size too big...

2010-02-20T14:01:00.000+01:00

Til jul fekk eg dette søte bokmerket frå ei venninne som bur i England. Gåva kom i ein liten konvolutt med sjølvaste dronning Elisabeth på frimerket. Britane er herleg konservative, tykkjer no eg! Påskrifta

Dream your dreams a size too big so you can grow into them

er ei flott påminning om at ikkje alle planar treng å gå i boks med ein gong. Det er godt å ha noko å sjå fram til!

No er det nett vorte vinterferie her hjå meg og eg tenkjer bruke tida til å gjere ting eg lenge har hatt lyst til, men ikkje fått tid til. Ein tur til Bergen ligg høgt på lista! Der er planen å snuse i kjekke butikkar, gå på kafè med venninner eg ser alt for sjeldan og handle inn litt malingsutstyr. Det kalde veret ser ut til å fortsetje og det betyr at eg må nok vente enno nokre veker med å male og behandle trappa i gangen (når det er minusgarder ute, er det også minusgrader inne i gangen vår). Men ser ein positivt på det betyr jo det at eg har enno meir tid til å lese gode bøker, høyre på musikk, hekle og sy. Og kven veit, det vert gjerne tid til å dagdrøyme litt også!

Fin fangst!

2010-02-18T21:49:00.000+01:00

Idag har eg sydd ein tøyfisk til pusekatten vår, Sofia. Fisken er fylt med garnrestar, og eit vidunderstoff for kattenaser; kattemynte.

Eg sydde fisken av ein lakenrest som eg har prøvd ut bokstavstempel og tekstiltusjar frå Stoff & Stil på. Både stempela og tusjane var greie å bruke. Påskrifta, "STOP in the name of LOVE", passa jo for så vidt fint...

Kattemynte er ei plante som visst nok skal framkalle ein rus hjå kattar som gjer at katten rullar og gnir seg mot ting, hoppar rundt og mel av ubegrensa velbehag. Dette verkar berre på litt eldre kattar, og det såg ut for at Sofia var i yngste laget. Men ein leike å springe etter såg ut til å vera ganske moro uansett!

Ein pause frå muselorten...

2010-02-15T18:44:00.000+01:00

...gjer verkeleg underverker!

No har eg endeleg kome til botnen i eit kott på lemmen som har vore fylt til randen med vedunderlege mengder med ihjel-gnagde og møllangrepne ullpledd, eldgamalt datautsyr, vekklagde studiebøker samt to stykk forsmådde, heimesydde pysjamasbukser (stua bort ein gong på tidleg åttital, tippar eg).

Alt dette var omhyggjeleg innhylla i mengder på mengder med museskit. Korleis er det mogeleg at så små, og i grunnen ganske søte, dyr skit så mykje?

Eg veit berre at ein kopp Yorkshire Tea med mjølk og sukker, og ei stund i sofakroken med fantastiske Jane Eyre på DVD etter slikt eit skippartak, gjer umåteleg godt!

"STRESSED" is "DESSERTS" spelled backwards

2010-02-10T19:13:00.000+01:00

Det nærmar seg fridagar og tid for å nyyyte helga!

Om nokon skulle vera inn på tanken på å bake litt godsaker, har eg oppskrift på ei nydeleg god (og heilt stressfri) kake her:

Rustikk sviskekake

denne kaka vert finast (og best?) når den ser litt "rufsete" ut...

Begynn med

250 gr svisker + vatn som akkurat dekkjer + 4 ss sukker + 1/2 ss vaniljesukker som kokast til syltetøykonsistens.

Lag så botnen slik:

4 eggjekviter + 2 koppar sukker piskast stivt

2 koppar kokos + 2 ss kveitemjøl + 1 ts bakepulver blandast i.

Ha i 24 cm form, steik ved 180 grader i 30 minutt.

Eggekrem:

4 eggjeplommer + 100 gram sukker + 1 dl fløyte + 1 ts sukker kokast på svak varme til den vert tjukk.

Krem:

3 dl fløyte + 3-4 ss sukker + 1/2-1 ss vaniljesukker piskast.

Alt avkjølast. Legg eit lag sviskefyll, så eggekrem og til slutt eit lag krem på toppen av kokoskakebotnen.

Botnen kan forøvrig breiast med svisker og eggekrem og frysast. Så treng du berre piske krem i ein fei og leggje den på når gjestene kjem.

Og så er det berre å ta helg. Enjoy!

Frå eit pikerom

2010-02-05T19:58:00.000+01:00

Bileta er kan hende ikkje så imponerande (å, som eg ynskjer meg eit godt kamera!), men no har eg endeleg fått ordna ferdig pikerommet mitt. Før jul var dette eit mørkt og støvete og særdeles lite inspirerande rom, men etter ein omgang med kvistlakk, grunning og to strøk kvitmåling har stemninga stige betrakteleg! Dette er no mitt kreative smultronstställe der eg høyrer på musikk, syr, les, heklar og rett og slett stooorkosar meg!
Då me budde i Bergen var eg ofte innom butikken Mint (sørgeleg nok nedlagt no) der dei kjekke jentene hadde rikt utval av origamipapir og -oppskrifter. Stjernene på veggen er bretta og sett saman utan lim - på ekte origami-vis.

Denne heimesydde lappeputa låg leeenge i hylla hjå Patina på Evanger og kikka på meg frå hylla kvar gong eg var innom. Så lenge eg var student var ei invistering på ein halv hundrelapp litt for stor - men då eg, etter å ha kome i ærleg, betalt arbeid, var innom ein gong i haust og oppdaga at puta framleis var på plass, måtte eg berre slå til. Enkelte ting er berre meant to be...

Dette skapet står no for tur. Planen er å male eller tapetsere det innvendig, og kanskje male det utvendig. Men eg klarer ikkje heilt einig med meg sjølv - skal eg male, eller bør eg late det vera som det er?

Eg tykkje slike skap er fantastisk fine i ein støva, ljos turkisfagre eller dei kan vera knallstilige i ein skarp lilla eller gul, men om nokre år kan det hende eg angrar bittert over malingspåfunnet slik ein gjorde for nokre år sidan over dei malingslitte skattane som vart i hjel-luta på midten av nitti-talet. Åkk, dette er vanskeleg!

Ein etterlevning

2010-02-03T18:44:00.000+01:00

Mannen med hatt på veg over gangfelt, jenta med fletter som leier guten med veske under armen på veg til skulen og mannen med sixpence som spar grus, eller er ute på sykkel, er alle på veg inn i historia.Alle dei særnorske skilta skal snart vera bytt ut, men langs vestlandske fjordar kan ein til mi store glede enno møte på ein og annan gamal kjenning.

Eg har ein plan

2010-02-03T03:02:00.000+01:00

... som går ut på å

...........

ta-taaaa!

...........

lage sitjeputer av desse bestemorslappane til påske.

Viss eg får tid, då.

Og viss eg får tak i det eg treng. Når ein bur laaangt utpå landet, er ikkje det heilt sikkert, nemlig. Planen er å ha eit mellomlag av gamle ullteppe og ei vasstett bakside. Og kanskje lage heile sitjeputa som ei stor lomme slik at ein kan stikke inn eit lite firkanta sitjeunderlag på ekstra kalde dagar.

Ein vil vel ikkje fryse på stumpen i påskesola, vil ein vel?

Og så til MEG...

2010-01-29T18:32:00.000+01:00

Med forkjølingsbasseluskar i alle kroppslege krokar har eg hatt ein liten pause frå nettlege aktivitetar den siste veka. Hosting og nysing på skjerm og tastatur er ikkje noko særleg.

Men i dag tusla eg meg innom bloggeland att for å sjå om det var skjedd noko spennande. Og gjett om det var!

No er eg ikkje særleg bevandra når det gjeld bloggetermer, men dette var det ikkje så vanskeleg å forstå seg på.

Dei kjekke Patinadamene på Evanger hadde sendt meg denne awarden (lat oss kalle det utmerking), med fylgjande oppfordring: Fortel sju interessante fakta om deg sjølv. Her kjem dei:

1. Eg kan Welhaven sitt 13 vers lange dikt "Råd for uråd" på rams.

2. Eg har ete haggis i ein liten landsby i Skottland.

3. Eg har hatt to kattar med dei fyndige namna "Augetassen" og "Snurrebassen".

4. Eg har lyst på alpakka (strengt teke ikkje fakta, men la gå!).

5. Eg har nyleg lært meg å hekle.

6. Eg trur på nissar (dei må jo vera der ute ein stad!).

7. Eg kan plystre med overleppa og tunga i krøll.

Eg sender no utmerkinga vidare til sju andre bloggarar:

Vibeke, Moa, Linda, Ida, HippieChic, Noralill og Johanna

Reglane for denne utmerkinga er:

1. Kopier awarden på bloggen din

2. Link til personen som ga deg awarden

3. Fortell 7 interessante fakta om deg selv

4. Velg 7 andre bloggere som du sender awarden videre til

5. Link til deres blogger

6. Legg igjen en kommentar i bloggen deres, så de får vite om awarden

Framleis like gode

2010-01-21T17:39:00.000+01:00

Ikkje like varme, men framleis saftige og fine.

Muffinsane frå

tysdagsfest for to

tidlegare denne veka held stand,

og vart i dag kaffimat attpå middagen.

Nam-nam!

Tysdagsfest for to (Kvifor vente heilt til helga?)

2010-01-20T18:46:00.000+01:00

I går kom endeleg sendinga frå capris.no i posten. Eg hadde bestilt ein liten gjeng kjekke bøker om saum og slikt, samt ei bok som heiter Sjarmerende gjenbruk. I denne stod det oppskrift på muffins, og søthungrig som ein stundom kan vera, vart freistinga stor...

Problemet var berre at eg ikkje er nokon dreven muffinsmakar og dermed ikkje hadde dei naudsynte papirformene i hus.

Åkk, gode råd er i slike stunder dyre!

I boka stod det forslag om å servere muffinsane i gamle, fine koppar. Og det var jo ein god idè. Men eg som stod utan former, og også i fare for å vera utan søte, gode, varme og passeleg klistrete muffins å servere i koppane, heilt til det slo meg: Koppane er då keramiske og har vore utsett for høg varme før. Skulle det då ikkje gå fint å steikje muffinsane direkte i koppane?

Som tenkt, så gjort. Koppane (ikkje dei finaste eg hadde då eg ikkje visste heilt sikkert at teorien haldt vatn) vart spraya med formfett for å hindre fastbrenning, fyllt med deig, og sett til steiking på 175 grader. Smør og sukker vart fyrst vispa kvitt i miksar før egg (eitt og eitt) og resten vart tilsett. Der det i oppskrifta står appelsinjuice bytte eg dette ut med tre-fire spiseskeier blåbærsyltetøy. Det gjekk heilt fint og vart veldig godt!

40 minutt etterpå kom muffinsane ut av ovnen (dei trong lengre tid enn vanleg grunna mykje deig i kvar kopp). Etter avkjøling fekk muffinsane eit strok med melis og eggjekvite over seg, samt ein liten Nonstop-knapp for fargen sin skuld...

Det var kjekt å ete rett ut av varme koppar.

Tysdagsfesten vart ei super suksess - neste gong vert det fleire enn to som får smake!

Ljos i sikte

2010-01-15T18:48:00.000+01:00

Eg har no flytta frå heimbygda ved fjorden opp til ein gard 400 meter over havet og veit at våren her truleg kjem minst ein månad seinare enn det eg er van med. SKREKK OG GRU! For ein solhungrig vårnytar som meg teiknar det til tøffe tak dei neste månadane.

Men også vestlandske fjordarmar har fått rikeleg med snjo så langt i vinter. Nausta står tynnkledde og skjelv medan båtane ligg i fjøra og frys på kjølen.

Om ikkje lenge kjem sola klatrande over fjellkanten i fjordbygda, medan me i fjellet må vente eit par veker lenger. Uansett - det går mot ljosare tider og berre tanken på det varmar aldri so lite.

God helg!

Villvinmarknad i Risør 2010

2010-01-11T16:19:00.000+01:00

Årets Villvinmarknad i Risør vert arrangert 8-10. juli,

og eit av mine (heller beskjedne) nyttårsforset er å få med meg denne markaden i år.

Byen Risør er i seg sjølv vel verdt eit besøk, har eg haurt, og å kombinere turen dit med høve til å snuse og snoke blant kunsthandverk frå fjern og nær, gler eg meg verkeleg til!

Keramikk er alltid kjekt å finne. Og kan hende det går an å luske til seg ein idè eller to...

Det er også moro å finne ting ein ikkje heilt skjønar kva er. På bilete var det i allefall ikkje lett å finne ut kva desse damene skal brukast til - men flotte er dei i allefall!

Og så fletta pil! Ei skikkeleg handlaga korg eller krukke av pil (ikkje frå IKEA) står høgt på ynskjelista. Den treng ikkje vera så stor. Berre stor nok til å passe på badet? Eller som eggjakorg på kjøkkenet...

Eg er verkeleg spikka nødt til å kome meg til Risør i juli.

Slik er det berre!

Kvardag er også kos

2010-01-08T06:10:00.000+01:00

No skulle eg ynskje eg hadde like fin pysjamas som Vibeke (som har lånt meg det fine biletet over). Då skulle eg ha tusla rundt på barfoten og kjent mjukheita av nyvaska golv stryke under føtene. For det er noko av det eg likar best ved nyvaska golv, dei vert så mjuke og gode å gå på!

Julefeiren var herleg bedageleg, særleg når det kom til reingjering og husarbeid. No har eg faktisk ikkje feia golvene sidan i fjor. Då eg tidlegare i dag traff ein velfødd hybelhare i stova, fann eg ut at nok får vera nok! Støvsugar, kost og fille laut fram i ein fei. Og ein god halvtime etterpå - Ahhh, dufta av nyvaska golv!

I've been rather lazy with the broom lately. Actually I've not been cleaning the floors since last year! (I know, that's a cheap joke these days...) When meeting a full-grown dust ball in our livingroom recently I thought that enough is enough and went crazy with the cloth. If I were the lucky owner of a nice pyjamas, like Vibeke who kindly lent me the photo above, I would be wandering around barefoot to feel the softness of the clean floors. But I don't, and will have to settle with the lovely smell - which is not a bad swop at all!

Så var det å sparke seg i gang...

2010-01-03T16:54:00.000+01:00

Det nye året ligg klart for spark og sprell. Bokstaveleg tala. For eg fekk nemlig spark til jul! (Dette billege ordkløyveriet MÅTTE eg berre benytte meg av.)

Juhuuu! Min kjekke kjære hadde skrudd den i saman på førehand og førte meg ned i kjellaren for å vise ei overrasking. Og eg vart verkeleg overraska! Og veldig, veldig glad! Og måtte ut på prøvetur med ein gong!

Då dei fornøyelege niesene mine var på overnattingsbesøk i romjula vart sparken flittig brukt, sjølv når gradestokken viste minus 20! Eg gler meg til å bruke den att og fram på jobb (ikkje bli imponert, det er berre 300 meter) og har allereie planlagt å få tak i korg til å ha på styret. Fletta korg skal det vera, må vite.

For ein sparkar då i gong det nye året med STIL, gjer ein ikkje!?!

ti...ni...åtte...sju...seks...fem...fire...tre...to...

2009-12-31T13:23:00.000+01:00

HJARTLEG GODT NYTT ÅÅÅÅÅR!

Også firbeinte nyt jula...

2009-12-28T12:11:00.000+01:00

...særleg når det har kome nytt ullpledd i sofaen!

Eg fekk eit kjempefint hekla pledd av Mamma til jul - eit skikkeleg restegarnteppe som er sett saman av heilt ville fargar som ein ikkje skulle tru gjekk saman. Men nettopp fordi ingen av dei passar saman, så passar dei saman. Get it? Ein del av garnstumpane hadde bestemor liggjande i små nøster i ei tønne då eg var liten, og eg tykte det var veldig kjekt å sjå på alle fargane. Ein del av garnet har nok blitt til overs frå strikkeprosjekt på 60- og 70 talet, men no er det engeleg kome til nytte. Noko eg er veldig glad for!

På kalde vinterdagar varmar ingenting så godt som heimelaga pledd. Det er katten Sofia heilt einig i!

Rart juletre? Ja, absolutt!!!

2009-12-26T11:58:00.000+01:00

Juletreet vårt er ei skeiv BJØRK!

Enkelte vil påstå at dette ikkje er særleg fint, medan andre nok meiner det er fjollete. Dei mest konservative vil kan hende meine at ein ikkje skal tukle med tradisjonar. EG, derimot, har ingen problem med å ha det litt moro på tradisjonar sin bekosting og tykkjer dette er eit nydeleg og akkurat passeleg tullete juletre.

Ha ei tullete jul og eit skrått år i vente!

Fluesopplampe !

2009-12-20T21:18:00.000+01:00

Fiiin lampe, eller?

Eg har nettoppbestilt to eksemplar på nettbutikken sprell.no. Håpar den rekk fram i romjula ein gong. Eg ser nemlig for meg at den skal gjere susen på pikerommet (arbeidsrommet) mitt. Det var ikkje meininga å julepynte noko særleg der, men med slik ein stemningskapar i vindauget vert det jo JUL-JUL-JUL uansett!

Pagten - dansk julekalender på nett-TV

2009-12-16T19:32:00.001+01:00

Klar for litt dansk førjulsstemning?

På Danmarks Radio sine nettsider http://www.dr.dk/ kan ein følgje med på den fantastiske (i ordets rette forstand) julekalendaren Pagten. Forteljinga går føre seg i landsbyen Thyregod der isheksa Iselin har planar om å drepe alle nissar slik at ho vert eineherskar i den magiske verda. Det einaste som kan stoppe henne er om eit menneske som har dei rette kvalitetane og som kan sjå nissar, klarer tre vanskelege prøvar saman med ein nisse.

Dei utvalde til oppdraget er mennesket Malte og nissejenta Lyda. Diverre er det fleire enn Iselin som gjer det vanskeleg for dei å klare å finne pakta...

Kokosmakroner på 1-2-3!

2009-12-09T20:05:00.000+01:00

Her fylgjer Mamma si alltid vellukka oppskrift på

KOKOSMAKRONER

4 eggjekviter
15o gram melis

VISP STIVT

(Mamma: "Når du trur du har vispa lenge nok,

visp like lenge til. Då flyt ikkje makronene utover.")

Tilsett så:

200 gram kokos

1 spiseskei vaniljesukker

1 plate hakka, mørk sjokolade

RØR DETTE I MED SLEIV

Bruk to skeier og sett toppar på eit bakepapir. ENKEL OPPSKRIFT GJEV OMLAG 16 -20 MAKRONER. Lag litt mellomrom mellom kvar topp då makronene gjerne flyt litt utover under steiking.

Steik i 10 - 15 minutt,

i 180 - 200 grader.

LUKKA TIL med julebaksten!

Vintage-tävling

2009-12-03T21:21:00.000+01:00

Flinke Johanna Flyckt bak bloggen johanna-vintage.blogspot.com har fram til 10.desember ei utlodding der denne nydelege kjolen skal få ein ny eigar. Kvifor ikkje freiste lukka og hive seg med?

Kvitt i kvitt

2009-11-29T11:50:00.000+01:00

Dei fyrste snjofillene fillene dalar no ned ute og dekkjer bakkar, tre og lier med kvit jolestemning. (Biletet er lånt av Moa.)

Stemninga er ikkje så verst innadørs heller. Eg gjer så godt eg kan og føl naturens eksempel ved å dekkje den gulna panelen med grunning og kvitmåling!

Ha ein fin fyrste sondag i advent!

Kreativ kakebakst

2009-11-25T17:09:00.001+01:00

Kjøkkenet mitt er diverre ikkje like lekkert som dei fleste andre sitt. Med sliten linoleum frå midten av 70-talet og ei usedvanleg dårleg plan øysing, nesten ikkje arbeidsbenkar og det meste av kjøkkenutstyret framleis nedpakka i flyttekassar er det ikkje så ofte eg set i gong med kulinariske prosjekt, men her om dagen vart trangen etter eit stykke med tung, mørk og saftig Brownies heilt uoverkommeleg.

Kokken måtte tenkje seg litt om etter alternativ arbeidsbenk, men fann løysinga ganske kjapt (sjå bilete).

Eg har tilpassa oppskrifta som står i Freia 70% Kokesjokolade litegrann etter eigne ynskje. Den oppgraderte browniesoppskrifta går som følgjer:

100 gr FREIA Kokesjokolade 70%
250 gr sukker
200 gr smør
2 egg
2 ts vaniljesukker
100 gr kveitemjøl
2 ss mørk kakao
150 gr valnøtter

Brekk opp sjokoladen og ha den i ei gryte. Lat den smelte på SVAK varme. Rør smør og sukker kvitt. Tilset egg. Ha i mjøl, vaniljesukker, smalta sjokolade og hakka valnøtter. Hell røra i ei lita langpanne (20x30 cm), evnt. i ei rund kake form, med bakepapir i botnen. Steik ved 170 grader i omlag 30 minutt. Kjøl av før oppskjæring.

Brownies'en bør nyyyyytast attåt ein god kopp kaffi!

Keramiske minner

2009-11-19T20:59:00.000+01:00

Det er no eit heilt halvt år sidan eg tok i fersk leire, og det er på tide å minnast dei gode tider:
Dreiing i proselen: Maskina summar, leira surklar og radioen står på fullt. Konsentrasjonen er på topp og planen klar!

Rakubrenning: Flammar, røyk og ferdig brent produkt på under 30 minutt.

Fellesskap: Gode vener og seine kveldar med mykje latter!

...THOSE WERE THE DAYS...

Helg og handletur

2009-11-13T18:04:00.001+01:00

Pedagogen har no latt helgefreden og skuldrene senke seg i takt, og tenkjer leggje ut på førjulshandletur til Bergen by i morgon. Med fir timar å køyre att og fram til byen er, gjeld det å byrje tidleg på julehandelen. I allefall om ein skal finne noko som ein verkeleg trur fell i smak hjå mottakaren. For meg er det veldig viktig å unngå å gje gåver berre for å gje gåver... Eg vil verkeleg meine det når eg gjev nokon noko!

I våre dagar er det ikkje noko problem å sitje heime i sofaen å handle. (Tenk om ein hadde fortalt det til nokon for 30 år sidan. Faren er stor for at ein hadde blitt bura inne på flekken!)

I denne samanheng (sofahandling, ikkje inneburing) har eg ein absolutt favoritt når det gjeld artiklar til hus og heim. Den danske nettstaden http://www.nordhjem.dk/ er fantastisk både når det gjeld utval og prisar. Det einaste som trekkjer ned er frakta på 350,- (danske kroner), men om ein handlar stort eller kjøper ting saman med venninner går det jo riktig så greit likevel.

No når advent er like om hjørnet er det greit å få kalendergåvene på plass, og Nordhjem hjelper gladeleg den travle husmor også med tips slike innkjøp. På denne sida finn ein kalendergåver sortert etter pris slik at hovudbryet med desse er over på no time! Hjå Nordhjem finn ein saker og ting frå mellom anna Rice, House Doctor, Green Gate - ofte til svært gode prisar!

Kvifor ikkje unngå det glorete nissepapiret (skrekk og gru!) og leggje gåver med friske fargar under treet i år? Og ein rutete hatt til syltetøyglaset er ikkje så dumt det heller?Eller eit knippe gamledagse treklyper til tørkesnora?

No det berre å surfe i veg og vips - så er handelen gjort! Men eg gler meg til bytur i morgon likevel, eg. Det er ikkje særleg mange koselege kafear på nett. Nemlig!

Brrrrrr!

2009-11-12T18:41:00.000+01:00

Det er verkeleg kaldt om dagen. Det har vore nydeleg fint ver i lengre tid no, men etter at sola ikkje lenger kom seg over fjelltoppen for å forbarme og varme oss som bur i dalen, med sol, har temperaturen krype lenger og lenger ned på gradestokken. I skrivande stund er det - 7 grader Celsius. Dette bilete er teke for ei vekes tid sidan, og no er det enno meir kvitt på bøen.

Trøsta er at kulde = vinter = JUUUUUL!

Og jul = FERIE for ein stakkars lærar med over 50 arbeidtimar kvar veke... Ganske utruleg eigentleg. Då eg signerte meg opp som lærar i haust ante eg ikkje at å undervise 19 elevar fordelt på 6-10. trinn skulle ta så mykje tid. Eller krefter. Elevane er kjekke og greie, dei, men å heile tida undervise tre trinn i eit rom ER verkeleg utfordrande. Det betyr at ein må ha to-tre undervisingsopplegg per time i staden for eitt, og ein må ha minst like mange mentale filer oppe til ei kvar tid. Eg er i allefall temmeleg sliten etter 10-12 timars arbeidsdag. Ikkje rart det er blitt lite husvøling so langt i haust, kanskje... (Dette var berre eit lite hjartesukk - negative tankar skal ikkje førekomme så ofte her på bloggen, men det var godt å få det ut!!!)

Dandere, sortere, kategorisere...

2009-11-10T21:43:00.000+01:00

Ja, me sorterer vel oppvasken vår, gjer me ikkje?

Eg fekk ein aldri så liten skrå kommentar av ei venninne som var innom og fekk sjå oppvasken stå til tørk. Me har enno ikkje få oppgradert kjøkkenet og oppvaskmaskin er ikkje installert, dermed må me (EG) vaske opp på den gode gamle måten. Om det ikkje akkurat vert gjort med yrande glede, vert det i allefall gjort med eit snev av estetikk i blikket.

Ein dandert, sortert og kategorisert oppvaske tek seg absolutt betre ut enn ein som ikkje er det!

Smeg-kampanje!

2009-11-07T23:04:00.000+01:00

På tidleg nittital (trur eg) såg eg filmen The Outsiders. Eg hadde lest boka på førehand, og var heilt oppslukt av historia om dei tre foreldrelause brørne. Historia vart ikkje mindre oppslukande på film, truleg særleg sidan Matt Dillon, Patrick Swayze, Emilio Estevez, og ikkje minst Ralph Macchio (jepp, Karate Kid!) var med i ein og same film! I ein scene frå kjøkkenet til dei tre foreldrelause brørne stod det eit særdeles kult kjøleskåp. (I ordets rette forstand, får me tru. Orsak! Billeg poeng!) Dette var sjølvsagt, då handlinga i filmen var lagt til USA og 50-talet, eit amerikansk 50-talskjøleskåp. Og her nærmar me oss kjerna av dette innlegget...

Eg fall om mogeleg enno meir pladask for kjøleskåpet enn for dei snasne brørne, men tenkte der eg sat, 14 år og med runde studentbriller, at "Hmmm - 50-talet, det er lenge sidan, det" og "Hmmm - USA, det er jammen langt vekke", ERGO "Hmmm - eit amerikansk 50-talskjøleskåp er nok heilt umogeleg å få tak i!" Og så slo eg meg til ro med det. Heilt til eg ein del år seinare, heilt tilfeldig, skimta eit Smeg-kjøleskåp bakerst i kjøkkenet på eit bilete i eit interiørmagasin. Og merkenamnet var endåtil teke med i bilet-teksten. Å, lukke for ein dag!

Og i går, heilt tilfeldig det også, var eg ute på nettsøk og kom på eit eller anna vis inn på denne sida. Oi-oi-oi!!! Firmaet Rikall Norge som heldt til utanfor Bergen (i Salhusvegen), forhandlar Smeg-kjøleskåp. Og ikkje nok med det:

DEI HAR SUPERDUPER-TILBOD PÅ SMEG-KJØLESKÅP HEILT FRAM TIL 31.12 2009!!!

Eg har no funne ut at Smeg-kjøleskåpa er italienske, ikkje amerikanske, og at dei er tilgjengelege i all slags nydelege fargar. Samt i britisk utgåve!

Englemaskeri

2009-11-02T17:59:00.001+01:00

Dersom du skulle få lyst til å gå vinteren i møte med englemasker over okslene, kan du jo gå inn på nettsida eg brukte. På Felisis blogg finn du ein godt forklart og tydeleg illustrert framgangsmåte på englemaske-hekling!

Englemasker og gode tankar

2009-10-29T17:54:00.000+01:00

No når vinteren set til og kulda like so, er det godt å ha eit kast å slenje over okslene. Eg fann Faerytale-garnet frå Du Store Alpakka på Voss for ein liten månad sidan, og sette straks i gong med eit trekantsjal. Eg er ein veldig GRØN person og fall pladask for farge nr 715! Englemasker er i utgangspunktet ein rask og effektiv hekleteknikk, men i det siste har eg brukt godt over femti timar på jobb kvar veke og sjalet tok dermed nesten fire veker å fullføre. Men det vert jo sagt at den som ventar på noko godt, ventar ikkje for lenge...

Du Store Alpakka er forresten ei bedrift det er ei glede å støtte. Kari Svendsen og Per Hestnes, som står bak Du Store Alpakka, ynskte å gje noko attende til folka i landa dei arbeidde med. For nokre år sidan starta dei difor eit prosjekt med å byggje opp skular i Andesfjella i Peru for å gje borna der ei god utdanning slik at dei sjølve kan velje korleis dei vil leve liva sine. På nettsida deira kan ein lese den herlege historia som gjorde at prosjektet kom i gong.

Eit møte med den 8 år gamle alpakka-gjetaren Marisol (midten) var starten på skuleprosjektet i høgfjellet.

Dikt frå eit kjøleskåp

2009-10-28T20:59:00.000+01:00

Min gode ven Egil skreiv dette velklingande diktet på kjøleskapet mitt for nokre år sidan. Og sidan har det hengt der. Eg tykkjer det seier så mykje om så lite (eller var det omvendt?). Heilt herleg surrealistisk er det i allefall!

I am proud to present a poem made by my friend Egil a couple of years ago. It's still stuck on my fridge:

"Openness and grumpiness is poetry for the world".

Oh. Right!?!

Piker på svovelstikkene?

2009-10-25T15:29:00.000+01:00

Søt, ikkje sant?

Saman med ei stor potteskjular i sink fyllt med stearinljos, fekk eg seks slike oppspøta fyrstikkesker hjå systera mi til gebursdagen min. Ho har huset fullt av scrappe-utstyr, og å fiffe opp nokre fyrstikkesker er sjølvsagt berre barnemat. Men som syster og gåvemottakar, er eg storleg imponert over kor mykje så lite kan gjere. Og prikken over i'en er hyssingløkkja i den eine kortsida. Lekkert!

Dersom ein føretrekkjer retro-stikker eller andre stilar, er det jo berre å bla opp gamle tapetrestar eller andre høvande småbitar! Klipp og lim og vips!

Her snakkar me adventskalendarmat!

What do you think? Six packeges like this was parts of my sister's present for my birthday: Pimped-up matches. Cute, isn't it? And very easy if you have access to some scrapbooking materials. Just a little touch of magic and you have the sweetest extra-little-thing to add to your best friends' gift!

Smakebit frå Dublin

2009-10-24T17:08:00.000+02:00

Desse bileta er frå eit fasjonabelt kjøpesenter midt i Dublin, Powerscourt Centre. Bygningen vart bygd som bustad og kontor for Lord Powerscourt, Richard Wingfield 3rd Viscount (1730-1788), og er eit av dei flottaste georgianske husa som no står att i Dublin.

Å gå inn den heller nedtona inngangen og møte krystallkruner og svungne trapper var berre heilt fantastisk! Inga pulserande neonskilt eller dundrande diskomusikk her, nei!

Ein treng vel knappast opplyse om at varesortementet i butikkane nok var retta mot dei meir bemidla. Gullsmedforretningane torde eg ikkje ein gong gå inn i (prisane i vindauga var avskrekkande nok - her var det tale om smykker og juvelar til eit par millionar!), men eg fann eit artig garn som eg måtte ha med meg heim til Mammo.

Fleire smakebitar frå Dublin kjem sidan.

The Powerscourt Centre in Dublin really is a special experience. Just walking in the entrance puts you back a couple of hundred years, and the dark, squeeking wooden floors just adds the little extra. Still it's very lux and elegant. Haha, I wish I will be like that when I grow old (squeeking, but elegant). Loved it!

Søndagskos

2009-10-04T12:19:00.000+02:00

Det fine med at det er vått og grått ute, er at det er desto varmare og koslegare inne! Og når ein har ferdiglaga skillingsbollar i frysen som vert som nysteikte etter 10 minutts lunking i omnen, når kosebarometeret nye høgder! Som lærar har eg attpå til ei heil vekes haustferie å sjå fram til… Aaah, i dag er livet skjønt!

Og i morgon går turen til Irland og Dublin! Ta ein kikk på denne videoen og sjå kva the Emerald Island har å by på. Noelle og Hilary som viser rundt i Dublin er berre heilt herlege! Etter kvart skal eg leggje ut bilete frå mine opplevingar og oppdagingar i byen.

Dei tre årstider

2009-10-03T11:06:00.000+02:00

At sommaren SNART (...) er over har eg for så vidt fått med meg, men at hausten og vinteren skulle finne på å kome forbi omtrent samstundes, det hadde eg ikke venta meg.

Denne veka har snjosløret krype lenger og lenger ned på fjellsida, og for eit par dagar sidan var det faktisk kvitt på bakkane kring huset. Oppvaksen ved fjorden og van med mildare klima kjenner eg det nesten som ei surrealistisk oppleving å sjå snjo på bøen i september! Det er det godt veden som var hoggen sist vinter er tørr, og klar for å gå i elden for å halde stova varm.

Summer's gone, I know! But I was not prepared for getting both autumn AND winter around at the same time. This week the snow has been crawling nearer and nearer, and a couple of days ago the fields surronding our house were white! I'm not ready for this season yet (and never will be!), so I happily discovered that the snow was gone the next day. Luckily the wood we collected last winter is dry and ready keep our feet warm and happy through the cold season to come.

Lysten på ein Lollopard?

2009-09-28T21:40:00.000+02:00

Akkurat no er det REA på fantastisk søte, fantastisk kule og fantastisk fantastiske klede frå Malmø i Sverige!

Hjå Lollopard kan ein verkeleg få tak i snasne klede. Til heile familien! Ein del av sortimentet er til og med laga av økologisk bomull! Eg har vore innom nettbutikken med jamne mellomrom det siste året, og no (ikkje ein dag for tidleg!!!) har eg sendt inn bestillinga!

Snart kjem denne grasgrøne traktorkjolen dumpande ned i postkassa. Tjo-hoi!

Og her går me altså for ein perfekt match... Denne herre-t-skjorta er også på veg!

PS! Husmorskulen-etikett, javel? Forklaringa er at det er jo viktig for ei kvar moderne husmor å ha oversikt over mogelegheiter til innkjøp av gode, slitesterke kvalitetsklede for heile familien...

Haustleg VINTAGE frå Sverige

2009-09-24T18:30:00.000+02:00

Dette biletet er henta frå ein svensk blogg som heiter www.vintage.blogspot.com. Bak bloggen står Johanna Flyckt som driv profesjonelt med stylingoppdrag og innreiingsreportasjar. Bileta hennar er berre heilt vidunderlege.

Fotoet av laukane på glas tykkjer eg er ein hyllest til hausten. Fargar og tekstur i biletet oppsummerer hausten som kjensle og stemning - utan at motivet er den klassiske skogen med gule lauv som ligg som ein fell på bakken.

Å besøke denne bloggen er kvardagskos på sitt beste. Vel bekomme!

Knapt med knappar?

2009-09-10T18:01:00.000+02:00

I framtida, om ikkje lenge - ei lita stund, berre, vonar eg å få keramikk-omn og utstyr på plass slik at eg kan byrje å lage knappar, skåler, koppar og anna moro igjen. Men før eg kan huse omn, må eg ordne hus. Og før eg kan ordne hus, må eg ordne litt utomhus. Drenere, heiter det. (Ikkje trenere, altså, sjølv om det jo trenerer mine planar ein smule!) Og det er idiverre IKKJE like kjekt ut som å sitje med leire oppetter armane i eigen verkstad. Moro eller ikkje moro - det må gjerast. Uansett. Og det hjelper ikkje å leggje seg ned på golvet å banke med armar og bein og rope på Mamma og Pappa.

Det veit eg. For eg har prøvd.